Diogo Dalot Alexandro Garnacho va Krishtianu Ronalduni solishtirish haqida gapirdi.
“Men ikkita ajoyib golni jonli efirda ko‘rdim. "Portu" bilan o‘yinda "Dragao"da Krishtianuning golini tribunadan ko‘rdim. Ikkinchisi esa Garnachoning "Everton"ga urgan goli. Bu ikki gol men jonli ko‘rgan eng yaxshi gollardir.
Yaqinda yangi Ronaldu yoki yangi Messi paydo bo‘ladi deb o‘ylamayman. Garnacho bu buyuk futbolchilarning misollarini ko‘rib, o‘z yo‘lini yaratmoqchi. Faqat bitta Krishtianu, bitta Messi, bitta Neymar bo‘ladi. Bu o‘ziga xos narsa.
O‘ylaymanki, Garnacho o‘z yo‘lini yaratishi va ko‘p mehnat qilishi kerak, chunki bu qiyin", - dedi "Manchester Yunayted" himoyachisi.
Garnacho joriy mavsumda “MYU” safida 33 ta o‘yinda maydonga tushib, 7 ta gol urdi va 3 ta golli uzatmani amalga oshirdi.
