Диого Далот Алехандро Гарначо ва Криштиану Роналдуни солиштириш ҳақида гапирди.
“Мен иккита ажойиб голни жонли эфирда кўрдим. "Порту" билан ўйинда "Драгао"да Криштианунинг голини трибунадан кўрдим. Иккинчиси эса Гарначонинг "Эвертон"га урган голи. Бу икки гол мен жонли кўрган энг яхши голлардир.
Яқинда янги Роналду ёки янги Месси пайдо бўлади деб ўйламайман. Гарначо бу буюк футболчиларнинг мисолларини кўриб, ўз йўлини яратмоқчи. Фақат битта Криштиану, битта Месси, битта Неймар бўлади. Бу ўзига хос нарса.
Ўйлайманки, Гарначо ўз йўлини яратиши ва кўп меҳнат қилиши керак, чунки бу қийин", - деди "Манчестер Юнайтед" ҳимоячиси.
Гарначо жорий мавсумда “МЮ” сафида 33 та ўйинда майдонга тушиб, 7 та гол урди ва 3 та голли узатмани амалга оширди.
