So‘nggi haftalar va oylarda matbuotda himoyachi Matteys de Ligtning "Bavariya"dan ketishi mumkinligi haqida muntazam ravishda ma’lumotlar paydo bo‘ldi. Niderlandiyalik futbolchi bu mavsumda myunxenliklar safida ko‘p o‘ynamayapti.

Biroq, de Ligtning "Bavariya"da kelajagi bor. Jurnalist Fabrisio Romanoning ijtimoiy tarmoqlarda yozishicha, futbolchining holati klubga yangi murabbiy kelganidan keyin ko‘rib chiqiladi.

Xabaringiz bor, “Bavariya” yaqinda Tomas Tuxel mavsum yakunida murabbiylik lavozimini tark etishini ma’lum qilgan edi. 24 yoshli de Ligtga "PSJ" va Angliya Premyer-ligasi klublari qiziqish bildirmoqda.