"Tottenxem"ning sobiq darvozaboni Ugo Lyoris nima uchun "shporlar" Maurisio Pochettino qo‘l ostida hech qachon sovrin yutmaganini tushuntirdi.
Pochettino 2014 yildan 2019 yilgacha “Tottenxem”ni katta muvaffaqiyat bilan boshqargan. Bu vaqt ichida “shporlar” Chempionlar ligasi finaliga chiqdi va bir marta deyarli Premyer-liga chempionligini qo‘lga kiritdi.
Hozirda "Los-Anjeles"da o‘ynayotgan Lyoris "Tottenxem"ga ikki yoki uchta xarid yetishmaganini - yangi futbolchilar o‘rniga "shporlar" pulni yangi stadion qurishga sarflashdi.
"Pochettino qo‘l ostida biz yildan-yilga yaxshilanib borayotganimizni ko‘rdingiz va biz juda raqobatbardosh edik. Biz yirik g‘alabalarga yaqin edik. O‘ylaymanki, o‘sha paytda muvaffaqiyat qozonish va sovrinlarni qo‘lga kiritish uchun bizga ikki yoki uchta yangi futbolchi yetishmayotgan edi.
Bizning taraqqiyotimiz klub uchun juda tez bo‘ldi, chunki o‘sha paytda ular bor e’tiborlarini yangi stadionga qaratishgan edi. Ularda hozirgidek moliyaviy zaxiralar yo‘q edi. O‘shanda biz mavjud tarkibni yangilab, bir nechta o‘yinchilarni qo‘shishimiz kerak edi", - deydi Lyoris The Athletic bilan suhbatda.
