Angliyaning «Brentford B» U21 jamoasi bugun «Reding» U21ga qarshi o‘rtoqlik o‘yinini o‘tkazdi. Yaqinda ushbu jamoa a’zosiga aylangan Muhammadali O‘rinboyev bugungi bahsni asosiy tarkibda boshladi.

Maydon markazida harakat qilgan hamyurtimiz o‘yinda yaxshi taassurot qoldirdi. U o‘yinni boshqarish bilan birga jamoaning standartlari — jarima va burchak zarbalarini amalga oshirdi. O‘rinboyevning uzatmalaridan keyin Chens Xedman, Eshli Xey juda qulay imkoniyatlarini golga aylantira olishmadi.

Muhammadali 59-daqiqada zaxiraga olindi. Shundan so‘ng 63-daqiqada «Brentford» hisobni ochdi. Ammo bahsning 88-daqiqasida va ikkinchi bo‘limga qo‘shib berilgan daqiqalarda «Reding» ikki gol urib, g‘alabani ilib ketdi.

«Brentford B» U21 - «Reding» U21 - 2:1
«Brentford B»: Tavaziva, Adedokun, Zabeli, Xedman (Dikov, 59'), Xey (Yogane, 59'), But (Trialist, 80'), Yang-Kumbs (Leydlou, 80'), Ouen (Trialist, 59') , Trialist (Xolland, 59'), Muhammadali O‘rinboyev (Lisbi, 59'), Uilson