Milanning "Inter" klubi futbolchisi Denzel Dyumfris klubini o‘zgartirishni istamayapti.
Avval xabar qilinganidek, “neradzurrilar” rahbariyati niderlandiyalik futbolchi bilan yangi shartnoma shartlari bo‘yicha kelisha olmayapti, shu bois futbolchi joriy mavsum oxirida sotilishi mumkin.
La Gazzetta dello Sport xabariga ko‘ra, Dyumfris ketishga unchalik qiziqmayapti. 27 yoshli futbolchi ligalardan birida chempionlikka intiladigan va Chempionlar ligasida muntazam o‘ynaydigan klub topa olishiga shubha qilmoqda, shuning uchun u "Inter"da qolishga tayyor.
Tomonlar tez orada yangi muzokaralar olib borishi kutilmoqda.
