“Bordo” hujumchisi Albert Xosue Elis kecha, 24-fevral kuni bo‘lib o‘tgan Fransiya 2-ligasining 26-turida “Gengam”ga qarshi o‘yinda (1:0) boshidan jarohat olib, komaga tushdi. Bu haqda Le Parisien nashri xabar bermoqda.

Qayd etilishicha, Elis havoda raqib futbolchisi bilan to‘qnashib ketganidan so‘ng maysaga noqulay yiqilib, hushini yo‘qotgan, shundan so‘ng uni zambilda maydondan olib chiqib ketishgan.

Ta’kidlanishicha, "Bordo" futbolchisi keyinroq hushiga kelgan, ammo uni kasalxonaga xavfsiz olib borish uchun sun’iy komaga tushirilgan.

So‘nggi ma’lumotlarga ko‘ra, Elis muvaffaqiyatli operasiya qilingan. Hozir u kasalxonada oilasi qurshovida.