Myunxenning “Bavariya” klubi hujumchisi Xarri Keyn bosh murabbiy Tomas Tuxelning mavsum yakunida ketishi haqidagi fikrlarini aytdi.

“Klub bir qarorga keldi. Biz murabbiy va klub oldidagi mas’uliyatimizni ko‘rsatishimiz, bu mavsumda bor narsamizni berishimiz kerak. Biz yaxshi o‘ynamayotganimizni tushunamiz. Buni shunchaki o‘tirib muhokama qilib bo‘lmaydi. Biz kurashishimiz va qattiq ishlashimiz kerak. "Leypsig" bilan o‘yinda aynan shunday qildik", - deya Keyn so‘zlaridan iqtibos keltiradi "Bavariya" matbuot xizmati.

Tuxel “Bavariya”ni 2023 yilning martida qabul qilib olgan edi. Klub 50 yoshli nemis bilan 2024 yilning iyun oyi oxirigacha amal qiladigan shartnomasini uzaytirmaydi.

Myunxenliklar Bundesligada peshqadam "Bayer"dan 8 ochko ortda qolmoqda.