Мюнхеннинг “Бавария” клуби ҳужумчиси Харри Кейн бош мураббий Томас Тухелнинг мавсум якунида кетиши ҳақидаги фикрларини айтди.
“Клуб бир қарорга келди. Биз мураббий ва клуб олдидаги масъулиятимизни кўрсатишимиз, бу мавсумда бор нарсамизни беришимиз керак. Биз яхши ўйнамаётганимизни тушунамиз. Буни шунчаки ўтириб муҳокама қилиб бўлмайди. Биз курашишимиз ва қаттиқ ишлашимиз керак. "Лейпциг" билан ўйинда айнан шундай қилдик", - дея Кейн сўзларидан иқтибос келтиради "Бавария" матбуот хизмати.
Тухель “Бавария”ни 2023 йилнинг мартида қабул қилиб олган эди. Клуб 50 ёшли немис билан 2024 йилнинг июнь ойи охиригача амал қиладиган шартномасини узайтирмайди.
Мюнхенликлар Бундеслигада пешқадам "Байер"дан 8 очко ортда қолмоқда.