"Valensiya" o‘t o‘chirish ishtirokchilarini "Real Madrid" bilan bo‘lib o‘tadigan o‘yinga taklif qiladi.
Eslatib o‘tamiz, 22 fevral kuni Valensiyadagi ikkita ko‘p qavatli turar-joy binosida sodir bo‘lgan kuchli yong‘in natijasida 10 kishi halok bo‘lgan edi. Fojia tufayli "Valensiya" iltimosiga ko‘ra, 24 fevral kuni bo‘lib o‘tishi kerak bo‘lgan La Liganing 26-turidan o‘rin olgan "Granada"ga qarshi o‘yin qoldirildi.
Marca nashri xabariga ko‘ra, 2 mart kuni "Mestalya"da bo‘lib o‘tadigan "Real" bilan o‘yinga klub yong‘inni o‘chirish va jabrlanganlarni qutqarishda yordam bergan o‘t o‘chiruvchilar, shifokorlar va polisiyachilarni, shuningdek, yonib ketgan uyni yong‘in haqida aholini xabardor qilgan konsyerji Xulianni taklif qiladi. Qutqaruv harakatlari ishtirokchilari odatda orkestrlar joylashadigan "Mestalya" stadioni tribunalariga joylashtiriladi. Orkestrlar motam belgisi sifatida o‘yinda ishtirok etmaydi.
Shuningdek, shanba kungi o‘yin bir daqiqalik sukut bilan boshlanishi, futbolchilar esa motam bog‘ichlarini taqqan holda maydonga tushishi xabar qilingan.
"Valensiya" va "Levante" o‘rtasidagi o‘yinlar dahshatli yong‘in tufayli qoldirildi. U shahar tarixidagi eng kuchli yong‘in deb ataldi.
