"Валенсия" ўт ўчириш иштирокчиларини "Реал Мадрид" билан бўлиб ўтадиган ўйинга таклиф қилади.

Эслатиб ўтамиз, 22 февраль куни Валенсиядаги иккита кўп қаватли турар-жой биносида содир бўлган кучли ёнғин натижасида 10 киши ҳалок бўлган эди. Фожиа туфайли "Валенсия" илтимосига кўра, 24 февраль куни бўлиб ўтиши керак бўлган Ла Лиганинг 26-туридан ўрин олган "Гранада"га қарши ўйин қолдирилди.

Marca нашри хабарига кўра, 2 март куни "Месталья"да бўлиб ўтадиган "Реал" билан ўйинга клуб ёнғинни ўчириш ва жабрланганларни қутқаришда ёрдам берган ўт ўчирувчилар, шифокорлар ва полициячиларни, шунингдек, ёниб кетган уйни ёнғин ҳақида аҳолини хабардор қилган консьержи Хулианни таклиф қилади. Қутқарув ҳаракатлари иштирокчилари одатда оркестрлар жойлашадиган "Месталья" стадиони трибуналарига жойлаштирилади. Оркестрлар мотам белгиси сифатида ўйинда иштирок этмайди.

Шунингдек, шанба кунги ўйин бир дақиқалик сукут билан бошланиши, футболчилар эса мотам боғичларини таққан ҳолда майдонга тушиши хабар қилинган.

"Валенсия" ва "Леванте" ўртасидаги ўйинлар даҳшатли ёнғин туфайли қолдирилди. У шаҳар тарихидаги энг кучли ёнғин деб аталди.