"Milan" vingeri Rafael Leau nima uchun o‘tgan yozda "rossoneri" bilan shartnomasini 2028 yilgacha uzaytirishga qaror qilganini tushuntirdi.
"Har kim "Milan"da o‘ynashni xohlaydi. Ko‘pchilik da’vo qilganidek, mening shartnomamni yangilash hech qachon pul masalasi bo‘lmagan. Jamoaning umumiy yo‘nalishiga ham shubham yo‘q edi. Bu biroz vaqt talab qildi, lekin imzolaganimdan so‘ng, bu pul shartnomasi emas, balki sevgi shartnomasi ekanligi menga aniq bo‘ldi", - deydi Leau.
Joriy mavsumda Leau barcha turnirlarda 32 ta o‘yinda qatnashib, 9 ta gol va 8 ta golli uzatmani amalga oshirgan.
