"Милан" вингери Рафаэль Леау нима учун ўтган ёзда "россонери" билан шартномасини 2028 йилгача узайтиришга қарор қилганини тушунтирди.
"Ҳар ким "Милан"да ўйнашни хоҳлайди. Кўпчилик даъво қилганидек, менинг шартномамни янгилаш ҳеч қачон пул масаласи бўлмаган. Жамоанинг умумий йўналишига ҳам шубҳам йўқ эди. Бу бироз вақт талаб қилди, лекин имзолаганимдан сўнг, бу пул шартномаси эмас, балки севги шартномаси эканлиги менга аниқ бўлди", - дейди Леау.
Жорий мавсумда Леау барча турнирларда 32 та ўйинда қатнашиб, 9 та гол ва 8 та голли узатмани амалга оширган.
