"Everton" yarim himoyachisi Dele Alli o‘z jamoasida o‘ynash uchun yangi imkoniyatga ega bo‘ladi. The Athletic xabariga ko‘ra, og‘ir jarohat tufayli deyarli bir yildan beri maydonga tusha olmagan futbolchini klub rahbariyati va bosh murabbiyi Shon Daych qo‘llab-quvvatlamoqda.
Allining "Everton" bilan amaldagi shartnomasi shu mavsum oxirida tugaydi, biroq yarim himoyachi yangi kelishuvga erishib, "Gudison Park"da qolishi mumkin.
Sobiq "Tottenxem" yarim himoyachisi "Everton"ga 2022 yilda kelib qo‘shilgan edi, ammo o‘shandan beri jamoa uchun Angliya Premyer-ligasida bor-yo‘g‘i 13 o‘yinda maydonga tushdi.
