"Эвертон" ярим ҳимоячиси Деле Алли ўз жамоасида ўйнаш учун янги имкониятга эга бўлади. The Athletic хабарига кўра, оғир жароҳат туфайли деярли бир йилдан бери майдонга туша олмаган футболчини клуб раҳбарияти ва бош мураббийи Шон Дайч қўллаб-қувватламоқда.
Аллининг "Эвертон" билан амалдаги шартномаси шу мавсум охирида тугайди, бироқ ярим ҳимоячи янги келишувга эришиб, "Гудисон Парк"да қолиши мумкин.
Собиқ "Тоттенхэм" ярим ҳимоячиси "Эвертон"га 2022 йилда келиб қўшилган эди, аммо ўшандан бери жамоа учун Англия Премьер-лигасида бор-йўғи 13 ўйинда майдонга тушди.
