"PSJ" darvozaboni Serxio Riko tez orada jamoa mashg‘ulotlariga qaytadi, deb xabar beradi Goal.com
Manbaga ko‘ra, 30 yoshli ispaniyalikning yaqin kunlarda mashg‘ulotlarga qaytishi kutilmoqda.
Riko 2023 yilning may oyida otdan yiqilib, boshidan jiddiy jarohat olgandi. Futbolchi sun’iy komaga tushib, bir necha operasiyalarni o‘tkazdi. 18 avgust kuni u kasalxonadan chiqarilgan.
Darvozabon 2019 yildan buyon "PSJ"da o‘ynab kelmoqda. O‘shandan beri u Parijning asosiy jamoasida 24 ta o‘yin o‘tkazib, 16 ta gol o‘tkazib yuborgan.
