"Tottenxem" va "Manchester Siti" "Kristal Pelas"ning 25 yoshli yarim himoyachisi Eberechi Ezega qiziqish bildirmoqda. Bu haqda The Sun xabar bermoqda.

Manba bergan xabarga ko‘ra, "Tottenxem" bosh murabbiyi Angelos Postekoglu tarkibdagi raqobatni oshirish va hujumni rang-barang qilish uchun futbolchi bilan shartnoma imzolamoqchi. O‘z navbatida, "Manchester Siti" ham futbolchini anchadan beri kuzatib kelmoqda va uni yozgi transfer oynasida sotib olishga harakat qiladi. Qayd etilishicha, futbolchi ko‘proq "shaharliklar" lageriga o‘tishga moyil.

Joriy mavsumda Eze “Kristal Pelas” safida barcha turnirlarda 20 ta o‘yin o‘tkazib, 5 ta gol urdi va 3 ta golli uzatmani amalga oshirdi. Transfermarkt internet portaliga ko‘ra, futbolchining taxminiy narxi 48 million yevroni tashkil qiladi.