"Тоттенхэм" ва "Манчестер Сити" "Кристал Пэлас"нинг 25 ёшли ярим ҳимоячиси Эберечи Эзега қизиқиш билдирмоқда. Бу ҳақда The Sun хабар бермоқда.

Манба берган хабарга кўра, "Тоттенхэм" бош мураббийи Ангелос Постекоглу таркибдаги рақобатни ошириш ва ҳужумни ранг-баранг қилиш учун футболчи билан шартнома имзоламоқчи. Ўз навбатида, "Манчестер Сити" ҳам футболчини анчадан бери кузатиб келмоқда ва уни ёзги трансфер ойнасида сотиб олишга ҳаракат қилади. Қайд этилишича, футболчи кўпроқ "шаҳарликлар" лагерига ўтишга мойил.

Жорий мавсумда Эзе “Кристал Пэлас” сафида барча турнирларда 20 та ўйин ўтказиб, 5 та гол урди ва 3 та голли узатмани амалга оширди. Transfermarkt интернет порталига кўра, футболчининг тахминий нархи 48 миллион еврони ташкил қилади.