Vitaliy Levchenko bosh murabbiyligidagi "Neftchi" jamoasi Superliganing ochilish o‘yinida Jizzaxning "So‘g‘diyona" klubi bilan safarda kuch sinashadi.
"So‘g‘diyona" klubi milliy chempionat doirasida "Neftchi" bilan 52 marta o‘zaro to‘qnashgan. Bu bellashuvlarda farg‘onaliklar 29 marta ustun kelishgan, jizzaxliklar esa 11 bora g‘alaba nashidasini surishgan, 12 ta uchrashuvda murosa ko‘chasi tanlangan. Kiritilgan va o‘tkazib yuborilgan to‘plar nisbati bo‘yicha 95-42 farg‘onaliklar foydasiga.
"Neftchi"ning" So‘g‘diyona" ustidan erishgan eng yirik g‘alabasi 7:0 ko‘rinishida bo‘lgan, "So‘g‘diyona"da esa bu ko‘rsatkich 3:0 hisobida qayd etilgan.
Jizzaxda bo‘lib o‘tgan oxirgi 5 uchrashuv natijalari quyidagicha:
18.03.2023.
"So‘g‘diyona"-"Neftchi" 0:2
14.09.2022.
"So‘g‘diyona"-"Neftchi" 0:0
02.10.2018.
"So‘g‘diyona"-"Neftchi" 3:0
10.03.2018.
"So‘g‘diyona"-"Neftchi" 0:0
22.04.2017.
"So‘g‘diyona"-"Neftchi" 0:1
