"Roma" bosh murabbiyi Daniele de Rossi Paulo Dibalaning boshqalardan ajralib turishini tan oldi.
Argentinalik futbolchi shanba kuni bo‘lib o‘tgan “Monsa”ga (4:1) qarshi o‘yinda bir gol va golli uzatmani amalga oshirgan bo‘lsa, bir tur avvalroq “Torino” bilan uchrashuvda (3:2) xet-trik qayd etgandi.
"Uning kundalik munosabatidan juda mamnunmiz. Dibala ishlashni yaxshi ko‘radi va mashg‘ulot o‘tkaza olmasa, jamoadoshlarini qo‘llab-quvvatlash uchun keladi.
Ochig‘i, u nihoyat yaxshi jismoniy shaklga kirishi bilan bir qatorda, butunlay boshqa darajada iqtidor ko‘rsatmoqda.
Biz Pauloning boshqa darajada ekanligini inkor eta olmaymiz", - deya de Rossidan iqtibos keltiradi Football Italia.
