Tailandning Rayong shahrida slalomda eshkak eshish bo‘yicha Osiyo chempionati boshlandi. Musobaqaning ilk kunida O‘zbekiston terma jamoasi bittadan kumush va bronza medallarini jamg‘ardi.
Kumush medalni baydarka slalomida jamoaviy dasturda qatnashgan U-23 yosh toifasidagi yigitlarimiz (Shahobiddin Boltaboyev, Samandar Sa’dullayev, Doniyor Islomov) qo‘lga kiritishdi.
Shuningdek, kanoe slalomida kattalar o‘rtasidagi bahsda sportchilarimiz (Alibek Temirgaliyev, Abubakr Bukanov, Dostonbek Jumaboyev) shohsupaning uchinchi pog‘onasidan joy olishdi.
