Angliya Premyer-ligasida mavsum qizg‘in pallaga kirdi.

Quyida joriy mavsumda qaysi jamoaning chempionlikni qo‘lga kiritish imkoniyati ko‘proq ekanligi haqida so‘z yuritamiz.

"Arsenal"

"Kanonirlar" mavsumning birinchi qismini yaxshi saviyada o‘tkazdi. Biroq, dekabr oyida jamoa biroz pasaydi, shu sababli Mikel Arteta shogirdlari Yangi yil oldidan so‘nggi beshta o‘yindan atigi to‘rt ochko to‘pladi. Aytish joizki, “Arsenal” 2024-yilga juda kuchli tarzda kirib keldi va ketma-ket yettita g‘alabani qo‘lga kiritdi. Boz ustiga, yetti uchrashuvning beshtasida “Arsenal” raqiblarini katta hisoblarda mag‘lub etgan. Ayni damda “kanonirlar” hisobida 27 turdan keyin 61 ochko bor. G‘alaba ehtimoli: 30%

"Liverpul"

"Liverpul" ham mavsumning ikkinchi qismiga juda muvaffaqiyatli kirishdi. Dekabr oyidagi ketma-ket ikkita durangdan so‘ng, "Liverpul" so‘nggi to‘qqizta o‘yindan sakkiztasida g‘alaba qozondi, ko‘pincha har bir o‘yinda uch yoki to‘rtta gol urib keldi. Ayni paytda Yurgen Klopp shogirdlari 27 turda 63 ochko jamg‘arishning uddasidan chiqqan holda Angliya chempionati peshqadami bo‘lib turibdi. “Liverpul” futbolchilarida bu mavsumda oltin medal olish uchun katta motivasiya bor, chunki Klopp klubdagi to‘qqiz yillik faoliyatidan so‘ng kelasi yozda o‘z lavozimini tark etishga qaror qildi. G‘alaba ehtimoli: 33%

"Manchester Siti"

Angliya premyer-ligasining joriy favoriti an’anaga ko‘ra "Manchester Siti" hisoblanadi. Pep Gvardiola shogirdlari so‘nggi uch mavsumda g‘alaba qozonishdi va xuddi shunday natijalarga erishgan to‘rtta klubning yutug‘ini takrorlashdi. "Manchester Siti"ning bu yilgi motivasiyasi shundaki, u ketma-ket to‘rtta chempionlikni qo‘lga kiritgan tarixdagi birinchi ingliz klubiga aylanishi mumkin. Ayni damda “shaharliklar” turnir jadvalida peshqadam “Liverpul”dan atigi bir ochko ortda qolgan holda ikkinchi o‘rinda bormoqda. G‘alaba qozonish ehtimoli: 37%.