Англия Премьер-лигасида мавсум қизғин паллага кирди.

Қуйида жорий мавсумда қайси жамоанинг чемпионликни қўлга киритиш имконияти кўпроқ эканлиги ҳақида сўз юритамиз.

"Арсенал"

"Канонирлар" мавсумнинг биринчи қисмини яхши савияда ўтказди. Бироқ, декабрь ойида жамоа бироз пасайди, шу сабабли Микель Артета шогирдлари Янги йил олдидан сўнгги бешта ўйиндан атиги тўрт очко тўплади. Айтиш жоизки, “Арсенал” 2024-йилга жуда кучли тарзда кириб келди ва кетма-кет еттита ғалабани қўлга киритди. Боз устига, етти учрашувнинг бештасида “Арсенал” рақибларини катта ҳисобларда мағлуб этган. Айни дамда “канонирлар” ҳисобида 27 турдан кейин 61 очко бор. Ғалаба эҳтимоли: 30%

"Ливерпуль"

"Ливерпуль" ҳам мавсумнинг иккинчи қисмига жуда муваффақиятли киришди. Декабрь ойидаги кетма-кет иккита дурангдан сўнг, "Ливерпуль" сўнгги тўққизта ўйиндан саккизтасида ғалаба қозонди, кўпинча ҳар бир ўйинда уч ёки тўртта гол уриб келди. Айни пайтда Юрген Клопп шогирдлари 27 турда 63 очко жамғаришнинг уддасидан чиққан ҳолда Англия чемпионати пешқадами бўлиб турибди. “Ливерпуль” футболчиларида бу мавсумда олтин медал олиш учун катта мотивация бор, чунки Клопп клубдаги тўққиз йиллик фаолиятидан сўнг келаси ёзда ўз лавозимини тарк этишга қарор қилди. Ғалаба эҳтимоли: 33%

"Манчестер Сити"

Англия премьер-лигасининг жорий фаворити анъанага кўра "Манчестер Сити" ҳисобланади. Пеп Гвардиола шогирдлари сўнгги уч мавсумда ғалаба қозонишди ва худди шундай натижаларга эришган тўртта клубнинг ютуғини такрорлашди. "Манчестер Сити"нинг бу йилги мотивацияси шундаки, у кетма-кет тўртта чемпионликни қўлга киритган тарихдаги биринчи инглиз клубига айланиши мумкин. Айни дамда “шаҳарликлар” турнир жадвалида пешқадам “Ливерпул”дан атиги бир очко ортда қолган ҳолда иккинчи ўринда бормоқда. Ғалаба қозониш эҳтимоли: 37%.