"Barselona" Joau Feliksning ijara muddatini uzaytirish ustida ishlamoqda.

Kataloniyaliklar Feliksni 2023 yilning yozida “Atletiko”dan ijaraga olgandi.

Seshanba kuni klub prezidenti Joan Laporta futbolchining agenti Jorje Mendesh bilan uchrashdi. "Barsa" agar shartlar maqbul bo‘lsa, portugaliyalik futbolchining klubda qolishiga imkon beradigan kelishuvga erishishga tayyorligini aniq aytdi.

Mendesh klublarning kelishuvga erishishiga yordam berishga harakat qilmoqda. Qishda "Atletiko" "Barsa"ga futbolchiga bo‘lgan huquqlarning bir qismini sotib olishni taklif qilgan, ammo "blaugrana" rad javobini bergan - ular faqat ijara muddatini uzaytirish variantini ko‘rib chiqishmoqda.

Qayd etilishicha, madridliklar Feliksni Diyego Simeone va ba’zi jamoadoshlari bilan kelishmovchiliklari tufayli olib qolish niyatida emas.

"Barselona" yangi ijara shartnomasida ixtiyoriy sotib olish bandi bo‘lishini istamoqda, "Atletiko" esa ma’lum miqdordagi o‘yinlardan so‘ng bu variant majburiy bo‘lishini istamoqda.

Klublar, shuningdek, Feliksni sotib olishi mumkin bo‘lgan summani ham kelishib olishlari kerak. Kataloniyaliklar futbolchining transfer qiymatini 40 million yevroga baholamoqda. Portugaliyalikni 110 million yevroga sotib olgan madridliklar bu summaning katta qismini qaytarmoqchi.