"Барселона" Жоау Феликснинг ижара муддатини узайтириш устида ишламоқда.
Каталонияликлар Феликсни 2023 йилнинг ёзида “Атлетико”дан ижарага олганди.
Сешанба куни клуб президенти Жоан Лапорта футболчининг агенти Жорже Мендеш билан учрашди. "Барса" агар шартлар мақбул бўлса, португалиялик футболчининг клубда қолишига имкон берадиган келишувга эришишга тайёрлигини аниқ айтди.
Мендеш клубларнинг келишувга эришишига ёрдам беришга ҳаракат қилмоқда. Қишда "Атлетико" "Барса"га футболчига бўлган ҳуқуқларнинг бир қисмини сотиб олишни таклиф қилган, аммо "блауграна" рад жавобини берган - улар фақат ижара муддатини узайтириш вариантини кўриб чиқишмоқда.
Қайд этилишича, мадридликлар Феликсни Диего Симеоне ва баъзи жамоадошлари билан келишмовчиликлари туфайли олиб қолиш ниятида эмас.
"Барселона" янги ижара шартномасида ихтиёрий сотиб олиш банди бўлишини истамоқда, "Атлетико" эса маълум миқдордаги ўйинлардан сўнг бу вариант мажбурий бўлишини истамоқда.
Клублар, шунингдек, Феликсни сотиб олиши мумкин бўлган суммани ҳам келишиб олишлари керак. Каталонияликлар футболчининг трансфер қийматини 40 миллион еврога баҳоламоқда. Португалияликни 110 миллион еврога сотиб олган мадридликлар бу сумманинг катта қисмини қайтармоқчи.
