Ikki vazn toifasida UFC sobiq chempioni Konor Makgregor (22-6) Menni Pakyaoga qarshi taxminiy jang haqida gapirib o‘tdi.
“Men hamon u bilan jang qilishni xohlayapman. Dekabrda ringga ko‘tarilishimiz mumkin. Saudiyaliklar o‘yin qoidalarini 100 foizga o‘zgartirib yubordi”, — deb yozdi Makgregor.
Eslatib o‘tamiz, Makgregor so‘nggi jangini 2021 yil iyul oyida Dastin Poryega qarshi o‘tkazib, oyog‘ini sindirib olgan edi. Porye texnik nokaut evaziga g‘alaba qozongan.
Avvalroq, bokschi Oleksandr Usik Konorni jangga chorlagani xabar qilingandi.
Pakyao esa 2021 yilda WBC kamari uchun Yordenis Ugasga qarshi jangda mag‘lub bo‘lganidan so‘ng faoliyatini yakunlagan edi.
