"Roma" bosh murabbiyi Daniele De Rossi "Brayton" ustidan qozonilgan g‘alabadan so‘ng Rim klubi bilan shartnomasini uzaytirish haqida gapirdi.
Kecha, 7-mart kuni “Roma” Yevropa Ligasi 1/8 finalida o‘z maydonida “Brayton”ni mag‘lub etdi. “Olimpiko” stadionida kechgan uchrashuv 4:0 hisobida yakunlandi. Javob o‘yini 14 mart kuni bo‘lib o‘tadi.
"Roma" bilan shartnoma uzaytiriladimi? Bu men o‘ylayotgan oxirgi narsa. Men shunchaki o‘zimga yoqqan ishni qilishni, o‘zimga yoqqan joyda bo‘lishni xohlayman", - deya De Rossining so‘zlarini keltiradi Alfredo Pedulla.
De Rossi “Roma”ni 2024 yilning yanvarida boshqarishni boshlagan edi. 40 yoshli mutaxassisning klub bilan shartnomasi 2024 yilning yoziga qadar mo‘ljallangan.
"Roma" boshqaruvidagi 10 uchrashuvdan so‘ng De Rossi quyidagi statistik ma’lumotlarga ega: yetti g‘alaba, ikkita durang va bir mag‘lubiyat.
Italiyalik mutaxassis qo‘l ostida rimliklar 26 ta gol urgan bo‘lsa, o‘z darvozasidan 11 marta gol o‘tkazib yuborgan.
