"Рома" бош мураббийи Даниэле Де Росси "Брайтон" устидан қозонилган ғалабадан сўнг Рим клуби билан шартномасини узайтириш ҳақида гапирди.
Кеча, 7-март куни “Рома” Европа Лигаси 1/8 финалида ўз майдонида “Брайтон”ни мағлуб этди. “Олимпико” стадионида кечган учрашув 4:0 ҳисобида якунланди. Жавоб ўйини 14 март куни бўлиб ўтади.
"Рома" билан шартнома узайтириладими? Бу мен ўйлаётган охирги нарса. Мен шунчаки ўзимга ёққан ишни қилишни, ўзимга ёққан жойда бўлишни хоҳлайман", - дея Де Россининг сўзларини келтиради Алфредо Педулла.
Де Росси “Рома”ни 2024 йилнинг январида бошқаришни бошлаган эди. 40 ёшли мутахассиснинг клуб билан шартномаси 2024 йилнинг ёзига қадар мўлжалланган.
"Рома" бошқарувидаги 10 учрашувдан сўнг Де Росси қуйидаги статистик маълумотларга эга: етти ғалаба, иккита дуранг ва бир мағлубият.
Италиялик мутахассис қўл остида римликлар 26 та гол урган бўлса, ўз дарвозасидан 11 марта гол ўтказиб юборган.
