Bugun Italiyada davom etayotgan turnir doirasida 4 nafar bokschilarimiz ringga ko‘tarilishadi.
Birinchi jang, kuni kecha keyingi bosqich masalasini hal etgan -66 kg vazndagi bokschimiz Navbahor Hamidova va niderlandiyalik Luna Amaro Beeloo o‘rtasida bo‘lib o‘tadi. Bahs taxminan Toshkent vaqti bilan 17:45 da start oladi.
Ikkinchi bahsni -75 kg vazndagi bokschimiz Aziza Zokirova ukrainalik Karolina Mahoga qarshi o‘tkazadi. Ushbu bahsning taxminiy boshlanish vaqti — 18:15.
-92 kg vaznda g‘alabali seriya taqdim etib kelayotgan Lazizbek Mulojonov, bugun navbatdagi bosqich masalasini hal etish uchun Togo davlati vakili Kevin Kuajoviga qarshi ringga ko‘tariladi. Jang Toshkent vaqti bilan 19:15 ga to‘g‘ri keladi.
Bugunga belgilangan bokschilarimiz ishtirokidagi so‘ngi bahs esa, -63,5 kg vaznda Ruslan Abdullayev va kosovalik Shpetim Bajoku o‘rtasida bo‘lib o‘tadi. Bahs Toshkent vaqti bilan 00:30 dan boshlab start oladi.
Bugungi janglar ro‘yxati bilan tanishing:
-66 kg. Navbahor Hamidova - Luna Amaro Beeloo (Niderlandiya) — 17:45.
-75 kg. Aziza Zokirova - Karolina Maho (Ukraina) — 18:15.
-92 kg. Lazizbek Mulojonov - Kevin Kuajovi (Togo) — 19:15.
-63,5 kg. Ruslan Abdullayev - Shpetim Bajoku (Kosovo) — 00:30.
