"Yuventus" rahbariyati 18 yoshli hujumchi Kenan Yildiz bilan shartnomani 2029 yilgacha uzaytirish ustida ishlamoqda. Bu haqda jurnalist Nikolo Skira ijtimoiy tarmoqlarda xabar berdi.
Manbaning xabariga ko‘ra, Turin klubi futbolchiga maoshini 4 barobar oshirgan holda shartnoma taklif qilmoqda. Ta’kidlanishicha, joriy shartnomaga ko‘ra Yildiz yiliga 300 ming yevro maosh oladi. "Yuventus" turkiyalik futbolchiga yiliga 1–1,2 million yevro maosh taklif qilishga tayyor.
"Keksa sinyora" so‘nggi transfer oynasida Yildiz bo‘yicha Yevropaning boshqa klublaridan kelgan transfer takliflarini rad etdi.
Eslatib o‘tamiz, joriy mavsum turkiyalik hujumchi barcha turnirlarda 26 ta o‘yinda qatnashib, 5 ta gol va bitta golli uzatmaga mualliflik qilgan. Futbolchining klub bilan amaldagi mehnat shartnomasi 2027 yilning yoziga qadar tuzilgan.
