"Ювентус" раҳбарияти 18 ёшли ҳужумчи Кенан Йилдиз билан шартномани 2029 йилгача узайтириш устида ишламоқда. Бу ҳақда журналист Николо Скира ижтимоий тармоқларда хабар берди.
Манбанинг хабарига кўра, Турин клуби футболчига маошини 4 баробар оширган ҳолда шартнома таклиф қилмоқда. Таъкидланишича, жорий шартномага кўра Йилдиз йилига 300 минг евро маош олади. "Ювентус" туркиялик футболчига йилига 1–1,2 миллион евро маош таклиф қилишга тайёр.
"Кекса синьора" сўнгги трансфер ойнасида Йилдиз бўйича Европанинг бошқа клубларидан келган трансфер таклифларини рад этди.
Эслатиб ўтамиз, жорий мавсум туркиялик ҳужумчи барча турнирларда 26 та ўйинда қатнашиб, 5 та гол ва битта голли узатмага муаллифлик қилган. Футболчининг клуб билан амалдаги меҳнат шартномаси 2027 йилнинг ёзига қадар тузилган.
