"Liverpul" hujumchisi Muhammad Saloh Angliya Premyer-ligasining 28-turidan o‘rin olgan "Manchester Siti"ga qarshi o‘yindan oldingi fikrlari bilan o‘rtoqlashdi. Uchrashuv 10 mart, yakshanba kuni bo‘lib o‘tadi. O‘yin Toshkent vaqti bilan 20:45da boshlanadi.
"Hozir hal qiluvchi bahslar. O‘ylaymanki, bo‘lajak uchrashuvda g‘alaba qozonsak, chempionlik uchun katta imkoniyatga ega bo‘lamiz. Lekin bor e’tiborimizni o‘z o‘yinimizga qaratishimiz kerak.
"Manchester Siti" - aql bovar qilmaydigan murabbiy boshqaradigan ajoyib jamoa. Ular bir necha yil davomida ligada ustunlik qilishdi va biz doimo ularga qarshi kurashdik. Siz maydonga tushasiz va bu o‘yin uchta emas, olti ochko uchun bo‘lishini his qilasiz", - dedi Saloh Sky Sports bilan suhbatda.
"Liverpul" hozirda APL turnir jadvalida ikkinchi o‘rinda bormoqda. Yurgen Klopp shogirdlari 27-turdan so‘ng 63 ochko jamg‘argan va "Manchester Siti"dan bir ochko oldinda. "Arsenal" peshqadam (64).
