"Ливерпуль" ҳужумчиси Муҳаммад Салоҳ Англия Премьер-лигасининг 28-туридан ўрин олган "Манчестер Сити"га қарши ўйиндан олдинги фикрлари билан ўртоқлашди. Учрашув 10 март, якшанба куни бўлиб ўтади. Ўйин Тошкент вақти билан 20:45да бошланади.
"Ҳозир ҳал қилувчи баҳслар. Ўйлайманки, бўлажак учрашувда ғалаба қозонсак, чемпионлик учун катта имкониятга эга бўламиз. Лекин бор эътиборимизни ўз ўйинимизга қаратишимиз керак.
"Манчестер Сити" - ақл бовар қилмайдиган мураббий бошқарадиган ажойиб жамоа. Улар бир неча йил давомида лигада устунлик қилишди ва биз доимо уларга қарши курашдик. Сиз майдонга тушасиз ва бу ўйин учта эмас, олти очко учун бўлишини ҳис қиласиз", - деди Салоҳ Sky Sports билан суҳбатда.
"Ливерпуль" ҳозирда АПЛ турнир жадвалида иккинчи ўринда бормоқда. Юрген Клопп шогирдлари 27-турдан сўнг 63 очко жамғарган ва "Манчестер Сити"дан бир очко олдинда. "Арсенал" пешқадам (64).
