O‘zbekiston Superligasi 2-turida "Neftchi" klubiga kichik hisobda mag‘lub bo‘lgan "Dinamo" klubi ustozi Vadim Abramov mag‘lubiyat sabablari va jamoa qachon Samarqanddagi maydonga qaytishi haqidagi savollarga javob berdi.

- Bugun durang bo‘lishi kerak edi. Biz ham g‘alabaga haqli emasdik, bitta pozision xato tufayli gol o‘tkazib yubordik. Birinchi taym boshida Fransis Narxning kutilmagan jarohati o‘yinimizga ta’sir qildi. Afsuski mag‘lub bo‘ldik, raqibga ham tan berish kerak, bitta vaziyatdan foydalanib ketdi.

Mashg‘ulot maydoni? Hozir bu haqda gapirmoqchi emasdim. Xuddi bahonadek bo‘lib qoladi. Afsuski Samarqandda qanday maydonda mashg‘ulot qilganimizni bilasiz, ikkita turli maydonda mashq qilish va o‘ynash ta’sir qiladi albatta.

— Jamoa qachon Samarqandga qaytadi?
— Hozir mart oyida FIFA kunlari bo‘ladi, keyin kubok tufayli Superligada tanaffus bo‘ladi. Menimcha aprel oyi oxirida Samarqandda o‘ynay olamiz.

— Nima uchun Emmanuel Yagrni maydonga kech tushirdingiz?
—Sababi asosiy tarkibda boshqa hujumchilar o‘ynashdi. Yagr anchadan buyon maydonga tushmagandi, shu bois uning imkoniyatlarini bilib olish uchun zaxiradan tushirdik.