"Inter" bosh murabbiyi Simone Indzagi Chempionlar ligasi 1/8 finalida "Atletiko"ga qarshi bo‘lib o‘tadigan javob o‘yini haqidagi fikrlari bilan o‘rtoqlashdi.
"Neradzurrilar" o‘z uylarida o‘tkazilgan ilk uchrashuvda minimal hisobda g‘alaba qozonishgan. Chorak final yo‘llanmasi taqdiri 13 mart kuni Madridda hal bo‘ladi.
"Hozirgi "Inter" Istanbul finalida tug‘ilgan emas, balki ancha oldinroq tug‘ilgan. Ushbu uch yil davomida biz a’lo darajada ish qildik va oddiy deb bo‘lmaydigan narsaga erishdik. Sayohatimiz davom etmoqda va bilamizki, ertaga o‘z maydonini o‘zgartirayotgan raqibga qarshi qiyin o‘yin kutib turibdi. Milanda minimal ustunlikka erishdik, ammo o‘z futbolimizni o‘ynashimiz kerak", - dedi Simone Indzagi matbuot anjumanida.
