"Интер" бош мураббийи Симоне Индзаги Чемпионлар лигаси 1/8 финалида "Атлетико"га қарши бўлиб ўтадиган жавоб ўйини ҳақидаги фикрлари билан ўртоқлашди.
"Нерадзуррилар" ўз уйларида ўтказилган илк учрашувда минимал ҳисобда ғалаба қозонишган. Чорак финал йўлланмаси тақдири 13 март куни Мадридда ҳал бўлади.
"Ҳозирги "Интер" Истанбул финалида туғилган эмас, балки анча олдинроқ туғилган. Ушбу уч йил давомида биз аъло даражада иш қилдик ва оддий деб бўлмайдиган нарсага эришдик. Саёҳатимиз давом этмоқда ва биламизки, эртага ўз майдонини ўзгартираётган рақибга қарши қийин ўйин кутиб турибди. Миланда минимал устунликка эришдик, аммо ўз футболимизни ўйнашимиз керак", - деди Симоне Индзаги матбуот анжуманида.
