Madridning “Atletiko” klubi futbolchisi Rodrigo Rikelme jamoasi Chempionlar ligasining chorak finaliga chiqqanidan so‘ng o‘z taassurotlari bilan o‘rtoqlashdi.
Asosiy vaqtning so‘nggi daqiqalarida Rikelme qahramonlik ko‘rsatib, “Atletiko”ga g‘alaba keltirishi mumkin edi, ammo u juda qulay imkoniyatini qo‘ldan boy berdi. Ispaniyalik futbolchi penaltilar seriyasida esa o‘z urinishini golga aylantirdi.
“Menda biroz aralash tuyg‘u bor, chunki agar men o‘sha lahzani qo‘ldan boy bermaganimda asosiy vaqtda g‘alaba qozonishimiz mumkin edi. Men gol urishim kerak edi, lekin bu futbol.
Qiziqarli tajriba, men bunday narsani birinchi marta boshdan kechiryapman. Lekin men uchun ijro ustida ishlashim kerakligi ayon", - dedi Rikelme o‘yindan keyingi intervyusida.
