“Neftchi” hamda “Metallurg” kuchlilar ligasida o‘zaro 46 marta kuch sinashgan. Shundan 26 tasida farg‘onaliklar, 11 tasida bekobodliklar g‘alaba qozongan. 9 ta o‘yin esa durang natija bilan yakunlangan.
Kiritilgan va o‘tkazib yuborilgan to‘plar nisbati – 79:41. O‘zaro o‘yinlarda “Neftchi” 87, “Metallurg” esa 42 ochko jamg‘argan.
Farg‘onada o‘tkazilgan bahslarda Toshkent viloyati jamoasi 2 uchrashuvda zafar quchgan, yana 2 ta o‘yinda durangga erishgan. Qolgan barcha o‘yinlar maydon egalarining g‘alabasi bilan yakunlangan.
Farg‘onada o‘tgan oxirgi 5 ta beshta uchrashuv:
29.07.2023. «Neftchi» - «Metallurg» 1:0
22.05.2022. «Neftchi» - «Metallurg» 3:0
24.04.2018. «Neftchi» - «Metallurg» 0:0
25.06.2017. «Neftchi» - «Metallurg» 0:2
01.07.2016. «Neftchi» - «Metallurg» 1:0
“Neftchi” haqida
Mamlakat milliy chempionatining 3-turida “Metallurg” safarda O‘zbekistonning eng nomdor jamoalaridan biri – 5 ta oltin, 9 ta kumush, 1 ta bronza medaliga ega chiqqan, 2 marta O‘zbekiston kubogi sohibi bo‘lgan Farg‘onaning “Neftchi” jamoasiga qarshi maydonga chiqadi.
“Neftchi” FKga 1962 yilda asos solingan. Jamoa “Neftyanik” nomi ostida ikkinchi liga, befer zona hamda birinchi liga musobaqalarida ishtirok etgan. O‘zbekiston mustaqillikka erishgandan so‘ng qatorasiga 4 marta mamlakat chempioni bo‘lgan. Xalqaro musobaqlarda mamlakatimiz sharafini munosib himoya etgan: MDH chempionlari kubogining finalchisi (1994), Osiyo klublar chempionati bronza medali sovrindori (1994/95) bo‘lgan.
O‘zbekiston chempionatlarida “Neftchi” bugungacha 857 ta uchrashuv o‘tkazgan: shulardan 494 tasida g‘alabaga erishgan, 146 tasida duranga imzo chekkan, 217 o‘yinni esa boy bergan. Kiritilgan va o‘tkazib yuborilgan to‘plar farqi – 1634:910. Chempionatdagi eng yirik g‘alabasi – 8:0 (“Afrosiyob”, 1997), eng yirik mag‘lubiyati – 0:6 (“Paxtakor”, 2017).
