Angliyaning “Brayton” klubi “Roma”ni mag‘lub etdi, biroq Yevropa ligasining keyingi bosqichiga chiqa olmadi. Bu safar “Brayton”ning yagona goliga o‘yinning 37-daqiqasida Denni Uelbek mualliflik qildi. O‘yindan so‘ng hujumchi o‘yindagi voqealarga quyidagicha izoh berdi.
"Biz maydonda qo‘limizdan kelganini qildik. Ammo birinchi o‘yindan keyin hammasi qiyin bo‘ldi. Hozir bu mag‘lubiyatni qabul qilish qiyin. Muxlislarimiz ko‘z o‘ngida g‘alabaga erishdik, lekin bu albatta yetarli emas edi. O‘ylaymanki, biz Yevropadagi o‘yinimiz bilan faxrlanishimiz mumkin", - deya Uelbek so‘zlarini keltiradi BBC Sport.
