Angliya chempionatining 29-turi “Fulxem” uchun omadli keldi – jamoa “Tottenxem”ni yirik hisobda mag‘lub etdi, bu mavsumda "kottejliklar" lageridagi ancha muammoli vaziyatni hisobga olsak, ushbu natija o‘z-o‘zidan kutilmagan edi.
"Fulxem"ning amerikalik himoyachisi Entoni Robinson muvaffaqiyatdan juda mamnun:
"Bu mavsum bizda turli xil davrlar bo‘ldi. Biroq hozir biz ajoyib o‘ynayapmiz, ayniqsa gol o‘tkazib yubormaganimiz ajoyib bo‘ldi.
Bu mening shaxsiy quvonchim. Biz ko‘proq g‘alaba qozonishni xohlayotganimizni ko‘rsatdik. Biz qarshi hujumda juda samarali o‘ynadik", - deya Robinsonning so‘zlarini keltiradi BBC Sport.
