Kataloniyaning "Barselona" klubi yarim himoyachisi Serxi Roberto Ispaniya chempionatining 29-turi doirasidagi "Atletiko" ustidan qozonilgan g‘alaba haqida o‘z fikrlari bilan o‘rtoqlashdi.
“Ko‘k-anorranglilar” 3:0 hisobida zafar quchdi.
"Bu biz uchun juda muhim hafta bo‘ldi. Chempionlik uchun kurashni davom ettirish uchun jadvalda yuqoriga ko‘tarilish muhim edi.
Biz Madridda ajoyib o‘yin o‘tkazdik. "Barselona" "Real"dan 8 ochko ortda qolmoqda, ammo bizni o‘zaro to‘qnashuv kutib turibdi.
Biz har bir o‘yinda 100 foiz harakat qilishimiz kerak", - deya sardorning so‘zlarini keltiradi Marca nashri.
