"Atletiko" yaqin kunlarda jamoa yarim himoyachisi va sardori Koke bilan shartnomani uzaytirish niyatida.
AtletiNews xabariga ko‘ra, klub unga bir yil taklif qildi, ammo Koke ikki yilni xohlaydi. Biroq, hech qanday muammo bo‘lmaydi: ikkala tomon ham uzoqroq shartnomaga rozi.
Bu vaziyatda yana bir yechim taklif etildi: bir mavsumga shartnoma va agar Koke ma’lum miqdordagi o‘yinlarda (20 dan ortiq) o‘ynasa, keyingi mavsum uchun avtomatik uzaytirish varianti.
32 yoshli futbolchi "Atletiko" tarbiyalanuvchisi hisoblanadi va faoliyatini faqat madridliklar safida o‘tkazgan.
