"Arsenal"ning sobiq yarim himoyachisi, hozirda "Inter" futbolchisi Genrix Mxitaryan "kanonirlar"ning sobiq bosh murabbiyi Arsen Venger haqida gapirdi.
"U – juda aqlli odam, hamma narsa noto‘g‘ri bo‘lganida, u hech qachon aybdorlarni qidirmagan. U har doim futbolchilar va klub xodimlariga mehribon edi.
U har doim nafaqat texnik, balki insoniy nuqtayi nazardan ham yaxshi o‘yinchilarni qidirardi. Uning uchun atrof-muhitni buzmaslik muhim edi.
Venger "Arsenal"da o‘ynashimni xohlardi va meni Sanchesga almashishdi (Manchester Yunayteddan transfer).
Ammo olti oy o‘tgach, Arsen ketdi, ingliz futboliga moslashishga harakat qilgan Emeri keldi", - deya Mxitaryanning so‘zlarini keltiradi «Inter» rasmiy sayti.
