"Bavariya" yarim himoyachisi Joshua Kimmix klubdagi kelajagi haqidagi savolga javob berdi.

29 yoshli futbolchining myunxenliklar bilan amaldagi shartnomasi kelasi mavsum oxirigacha amal qiladi. Yarim himoyachining "Bavariya"ni tark etishi mumkinligi haqidagi mish-mishlar klub Tomas Tuxeldan tez orada ajralishi haqida e’lon qilganidan keyin biroz susaydi - futbolchi murabbiy bilan yaxshi munosabatda emas deb ishoniladi. Biroq, Kimmixning kelajagi hali ham noaniq.

"Bavariya" bilan shartnomam tugashiga bir yildan ko‘proq vaqt qoldi, shuning uchun men bunga xotirjamman. Yangi bosh murabbiy kim bo‘lishini bilish juda qiziq va muhim bo‘ladi. Hozir mening ustuvor vazifam - bu mavsumni iloji boricha yaxshi yakunlash”, - dedi Kimmix Welt nashriga bergan intervyusida.