"Бавария" ярим ҳимоячиси Жошуа Киммих клубдаги келажаги ҳақидаги саволга жавоб берди.
29 ёшли футболчининг мюнхенликлар билан амалдаги шартномаси келаси мавсум охиригача амал қилади. Ярим ҳимоячининг "Бавария"ни тарк этиши мумкинлиги ҳақидаги миш-мишлар клуб Томас Тухелдан тез орада ажралиши ҳақида эълон қилганидан кейин бироз сусайди - футболчи мураббий билан яхши муносабатда эмас деб ишонилади. Бироқ, Киммихнинг келажаги ҳали ҳам ноаниқ.
"Бавария" билан шартномам тугашига бир йилдан кўпроқ вақт қолди, шунинг учун мен бунга хотиржамман. Янги бош мураббий ким бўлишини билиш жуда қизиқ ва муҳим бўлади. Ҳозир менинг устувор вазифам - бу мавсумни иложи борича яхши якунлаш”, - деди Киммих Welt нашрига берган интервьюсида.
