Keyingi turda "Arsenal"ni "Manchester Siti"ga qarshi "Etihad"da qiyin safar bahsi kutib turibdi.

Chempionlik taqdiri aynan shu bahsda hal bo‘lishi mumkin. "Stick to Football" podkastida Gari Nevill bu haqida gapirdi. 

"Arsenal" kimni qo‘riqlashi kerakligini bilasizmi? Rodrini. Menimcha, kimdir uni qo‘riqlashi va to‘pni olishiga yo‘l qo‘ymasligi kerak.

Rodrini to‘xtatish kerak. Agar Rodrini to‘xtatsangiz, ko‘p narsani o‘zgartira olasiz. Uning jamoaga ta’siri aql bovar qilmas darajada katta, u muhim elementlarni birlashtiradi. Rodri - Pep Gvardiolaning hozirgi jamoasidagi eng muhim futbolchilardan biri.

Uning yo‘qligi amaldagi Angliya chempionlarining o‘yiniga katta ta’sir qiladi", – dedi Nevill.