O‘zbekiston milliy terma jamoasi hujumchisi va sardori Eldor Shomurodov Gongkongga qarshi o‘yindan (3:0) so‘ng jarohati haqida bildirdi.
"Doktorlar avvalgi jarohatimdan davolanganimdan so‘ng 1 oycha noqulayliklar bo‘lishini aytgan edi. O‘yin davomida oyog‘imga zarba oldim, dastlab bu eski jarohatim bor joyga tegdi deb o‘yladim, lekin yaxshiyamki unday bo‘lmadi. Tanaffusda murabbiylar bilan maslahatlashib, risk qilmaslikka qaror qildik. O‘ylaymanki, jarohatim jiddiy emas. Ertaga chuqurlashtirilgan tibbiy ko‘rikdan o‘taman", - dedi Shomurodov.
