Ўзбекистон миллий терма жамоаси ҳужумчиси ва сардори Элдор Шомуродов Гонгконгга қарши ўйиндан (3:0) сўнг жароҳати ҳақида билдирди.
"Докторлар аввалги жароҳатимдан даволанганимдан сўнг 1 ойча ноқулайликлар бўлишини айтган эди. Ўйин давомида оёғимга зарба олдим, дастлаб бу эски жароҳатим бор жойга тегди деб ўйладим, лекин яхшиямки ундай бўлмади. Танаффусда мураббийлар билан маслаҳатлашиб, риск қилмасликка қарор қилдик. Ўйлайманки, жароҳатим жиддий эмас. Эртага чуқурлаштирилган тиббий кўрикдан ўтаман", - деди Шомуродов.
