"Arsenal" yozda hujumchi sotib olmoqchi.
Football.London xabariga ko‘ra, "Arsenal" yozda markaziy hujumchi bilan shartnoma imzolamoqchi va 10 nafar nomzodni baholamoqda. Joriy mavsumda Gabriel Jezusning jarohati tufayli yarim himoyachi Kay Xaverts tez-tez bu pozisiyada o‘ynashga majbur bo‘lmoqda
Daily Mirror nashrining qo‘shimcha qilishicha, "kanonirlar" sport direktori Edu jamoani kuchaytira oladigan 10 nafar hujumchi ro‘yxatini tuzgan. Ular orasida:
Viktor Osimxen, 25 yosh, “Napoli”;
Ayvan Toni, 28 yosh, "Brentford";
Aleksandr Isak, 24 yosh, "Nyukasl";
Viktor Dyokeresh, 25 yosh, "Sporting";
Loi Openda, 24 yosh, "Leypsig";
Benjamin Sheshko, 20 yosh, "Leypsig";
Evanilson, 24 yosh, "Portu";
Brayan Brobbi, 22 yosh, "Ayaks";
Santyago Ximenes, 22 yosh, "Feyenoord";
Viktor Bonifase, 23 yosh, "Bayer Leverkuzen".
Qayd etilishicha, Tonining transferi ehtimolga eng yaqini.