"Manchester Siti" bosh murabbiyi Pep Gvardiola APLning istalgan klubi "Arsenal" yarim himoyachisi Deklan Raysni o‘z jamoasida ko‘rishni istashini aytdi.
“Biz shartnoma imzolashni istagan ko‘plab futbolchilar bor, lekin ular bizga qo‘shilishga qaror qilishmadi. Rays biz olishni istagan futbolchilardan biri edi, lekin bu amalga oshmadi. Bizda uzoq ro‘yxat bor. U shunday qarorga keldi va men unga faqat omad tilayman. Premyer-liganing istalgan jamoasi Deklan Rays bilan shartnoma imzolashni xohlaydi. U Angliya terma jamoasi sardori va ko‘p o‘yin o‘tkazgan yosh futbolchi", - deya murabbiyning so‘zlarini keltiradi Goal.
Rays "Arsenal"da 2023 yildan buyon o‘ynab kelmoqda. Bungacha u "Vest Xem"da o‘ynagan. Joriy mavsumda 25 yoshli futbolchi barcha musobaqalarda 39 ta o‘yin o‘tkazib, 6 ta gol va 7 ta golli uzatmani amalga oshirdi.
